Eleksyon sa 2010 tuloy – Nograles

MANILA – Tiniyak ni Speaker Prospero C. Nograles nitong Sabado na tuloy ang halalan sa 2010 ngunit wala umano siyang balak na pigilan ang komite sa Kamara de Representantes na talakayin ang resolusyon tungkol sa pag-amyenda sa Saligang Batas.

“There will be an election in 2010. There is no proposal to extend the term of anyone," deklara ni Nograles sa isang pahayag.

Sa kabila nito, sinabi ng lider ng Kamara na hindi niya pipigian ang House committee on constitutional amendments na talakayin ang mga resolusyon tungkol sa Charter change sa kabila ng mga pagtutol ng iba’t-ibang sektor.

“We have a Committee on Constitutional Amendments not only in the House but also the Senate precisely to handle proposals pertaining to proposed amendments on the Constitution. As long as it does not interfere with our normal legislative work and will not disrupt our 4 pm sessions, (La Union) Congressman (Victor) Ortega's committee can go ahead in considering proposals on Charter Change," Nograles said.

Kabilang ang inihaing resolusyon ni Nograles sa nakatakdang talakayin ng komite ni Ortega na naglalayong baguhin ang probisyon ng Saligang Batas upang luwagan ang batas para sa mga dayuhang namumuhunan sa bansa partikular sa pag-aari ng mga lupa.

“My resolution is purely focused on the restrictive economic provisions of the Constitution. We don't want to be left behind as many investors affected by the economic crisis in the US and other countries in Europe are scrambling to look for safe haven and are shifting investments on gold, oil and minerals. Mindanao has all the potentials in these three areas of investments," ayon kay Nograles.

Binigyan-diin niya na hindi kasama sa kanyang resolusyon ang anumang plano na palawigin ang termino ng mga halal na opisyal sa pamahalaang kabilang na si Pangulong Gloria Macapagal Arroyo.

“There is no single proposal now pending in the Ortega committee that calls for the term extension of any incumbent official," pagtiyak niya.

Idinagdag ni Nograles na kung magkaroon man ng paggalaw sa probisyong politikal sa Konstitusyon ay sesentro lamang ito sa mungkahing federal system of government na nakasaad sa resolusyon ni Sen Aquilino Pimentel Jr.

“ It is important to note that the federalism initiative came from the Senate through Senator Pimentel, a respected Mindanaoan and a prominent member of the political opposition. We may just pick from where Sen. Pimentel started," ayon sa kongresista. gmanews.tv

Kudeta vs Villar konektado sa 2010 prexy polls - JDV

MANILA – Kumbinsido si dating Speaker Jose de Venecia na malaki ang kinalaman sa girian ng mga “presidentiables" sa 2010 presidential elections sa pagkakaalis kay Senador Manny Villar bilang pinuno ng Senado nitong Lunes.

“The 2010 presidential elections is very clear, five presidentiables (Sens. Manuel Roxas, Loren Legarda, Francis Escudero, Richard Gordon and Lacson) all go against Villar, that is very clear…to put it very well, (it’s all about) politics," ayon sa dating lider ng Kamara de Representantes nitong Martes.

Idinagdag ni De Venecia na mahirap talagang kontrolin ang liderato sa kapulungan kapag nanghimasok na ang Malacanang.

“Even I, after five terms, I could not control the situation (in the House) once Malacanang’s voted against me," idinagdag ni De Venecia na biktima rin ng kudeta sa kanyang liderato noong Pebrero 2008.

Hinihinalang ang pagtestigo ng anak niyang si Joey De Venecia III sa Senado tungkol sa ZTE-NBN deal ang dahilan kaya pinatalsik sa liderato si Rep De Venecia sa Kamara kapalit ni Speaker Prospero Nograles.

Sa kabila nito ay pinayuhan ni De Venecia ang bagong lider ng Senado si Senate President Juan Ponce Enrile na mag-ingat sa grupo ng bagong mayorya na kinabibilangan ng mga senador na kritiko ng Malacanang.

“Ingat (si) Sen. Enrile because he’s identified with Malacañang and lahat ng bumoto sa kanya eh puro against Malacanang," patungkol ni De Venecia kina Lacson at Madrigal.

Idinagdag nito na sa komposisyon ng bagong mayorya at pagkakaroon ng kanya-kanyang agenda ng mga senador ay hindi umano imposibleng malagay kaagad sa alanganin ang liderato ni Enrile.

“I suppose there’s an undesired convergence of interests because you have Lacson group, Madrigal group etc. They are anti-Malacanang but their candidate is (Sen. Juan) Ponce Enrile who is identified as a stalwart of Malacanang, so there was convergence of interests. Their desire to remove Villar was their primordial interest, so the beneficiary of that overriding interest is Enrile," paliwang ng dating speaker.

Kabilang sa bagong mayorya ang mga taga-oposisyon na sina Sens Lacson, Madrigal, Roxas, Legarda, Escudero, Rodolfo Biazon at Jinggoy Estrada. Kasama rin sa grupo ang mga pro-administrations Sens na sina Gordon, Lito Lapid, Gringgo Honasan, Ramon Revilla Jr, Miguel Zubiri, at Edgardo Angara.

Una ng nagpahayag ng pagdududa si Sen Aquilino Pimentel kung tatagal ang alyansa ng bagong liderato sa Senado na tinawag niyang “masahol" pa sa “halo-halo. gmanews.tv